Bir katre içen çeşme-i pür-hûn-ı fenâdan
Başın alamaz bir dahi bârân-ı belâdan
Asûde olam dersen eğer gelme cihâna
Meydâna düşen kurtulamaz seng-i kazâdan
Sâbit-kadem ol merkez-i me'mûn-ı rızâda
Vâreste olup dâ'ire-i havf u recâdan
Dursun kef-i hükmünde terâzû-yı 'adâlet
Havfın var ise mahkeme-i rûz-ı cezâdan
Her kim ki arar bûy-ı vefâ tab'-ı beşerde
Benzer ana kim devlet umar zıll-ı hümâdan
Bî-baht olanın bâğına bir katresi düşmez
Bârân yerine dürr ü güher yağsa semâdan
Erbâb-ı kemâli çekemez nâkıs olanlar
Rencîde olur dîde-i huffâş ziyâdan
Her 'âkile bir derd bu 'âlemde mukarrer
Râhat yaşamış var mı gürûh-ı 'ukalâdan
Halletmediler bu lugazın sırrını kimse
Bin kafile geçti hükemâdan fuzalâdan
Kıl san'at-ı üstadı tahayyürle temâşâ
Dem vurma eğer arif isen çûn ü çirâdan...

__________________
Taşı havaya atıp kafasını altına tutana ne olur?
To view links or images in signatures your post count must be 10 or greater. You currently have 0 posts.