Bir medyum ölünce cinleri ne olur

Bir abd-i habeş dehre olur baht ile sultân
Dahhâk'in eder mülkünü bir Gâve perîşân
İkbâline idbârına dil bağlama dehrin
Bir dâ'irede devr edemez çenber-i devrân
Zâlim yine bir zulme giriftâr olur âhir
Elbette olur ev yıkanın hânesi vîrân
Ekser görülür çünkü cezâ cins-i 'amelden
Encâmda âhenden ölür rahne-i sûhân
Tezkîr olunur la'n ile Haccâc ile Cengîz
Tebcîl edilir Nûşirevân ile Süleymân
Kābil midir elfâz ile tağyîr-i hakîkat
Mümkün mü ki tefrîk oluna küfr ile îmân
Bir hâkden inşâ olunur deyr ile mescid
Birdir nazar-ı Hak'da Mecûs ile Müselmân
Her derdin olur çâresi her inleyen ölmez
Her mihnete bir âhir olur her gama pâyan
Geh çâk olunur damen-i pâkîze-i 'ismet
Geh 'iffet eder âdemi ârâyiş-i zindân
Sabr et siteme ister isen hüsn-i mükâfat
Fikr eyle ne zulm eylediler Yûsuf'a ihvân
Zâlimlere bir gün dedirir kudret-i Mevlâ
Tallâhi lekad âserakellâhu 'aleynâ...

__________________
Taşı havaya atıp kafasını altına tutana ne olur?
To view links or images in signatures your post count must be 10 or greater. You currently have 0 posts.